für John Giorno
Des Le‘m is a Haufen vo gonz kloane Packtel
Des‘d oafoch nua auftoa muasst!
Es gib greane und goibe, violette und blaue
ganz kloane und rauhe & samtige groaße
und überhaupt ois wos da vorstoin kust
- mit Bandl und Fasch‘n, Lametta, Konfetti
Schleiffei & Ringei & Pickal & Zwirn
OWA PASS AUF
Monche schnein‘ da beim Auftoa in ‘d Hänt
& in de Goidanen is‘ meistens nix drin...
Owa trotzdem!
Dua auf und schaug eini!
Dua auf und schaug eini
Dua auf & schaug eini und gfrei di & loch!
In dem Blauen, do stiarb grod oana noch an langen scheen Leb‘ m,
& im Roaden weascht scho da Naxte geborn!
und in dem Grünen do ent‘n ho‘m zwoa an Orgasmus
und sie juchzen und schnalzen im Takt.
Es geht nit drum was drin ist!
Es geht drum, wos du damit duast!
Jo sicha gib‘s Kriag und Toad und Steam
und Gewaltverbrecha, die in da Nocht um de Hitt‘n schleichen
Räuber, Parasiten, Syphilis & Konvertiten,
Liebeskummer, Polizisten, Päderasten, überfüllte Kleiderkasten,
Sodomisten, Metastasen, Blasen und gonz schiache Vasen,
die dia nua im Weg umasteh‘n beim Putzen und Kochen und überhaps!
Sicha! Es gibt den gonzen Scheiß: Geldsorgen, Filzleis,
salmonellenverseuchtes Speiseeis....
OWA:
Loss di dafu nid fertigmoch‘n!
Denn dahinter & im Grunde
is dei gonze Existenz
total liacht und total groaß und total schee!
Und nua moi zum Mitschrei‘m füa oi:
Es geht nid darum wos drin ist!
ES GEHT DARUM WOS DU DAMIT DUAST!
Huck di oafoch auffi und fliag o!
Auf jeden vo ins woat a roada Zauberteppich vor da Tier!
Hock di auffi und fliag oh!
Hock di auffi und fliag oh!
Huck di endlich auffi und
FLIAG ENDLICH OH!
Weil es is nämli so
& hdu woaßt es eh scho längst:
Ois weascht leichta, jeden Tog.
Ois – weascht – leichta!
Glab dru!
Ois weascht leichta JEDEN TOG!
Jo sicha!!
Ois weascht leichta!
Jo! Ois!
OIS WEASCHT LEICHTA, jeden Tog!
OIS IS LIACHT